▲客家白話語文研習功能特徵圖。(圖/廖金明)


【亞太新聞網/記者范家豪/花蓮報導】

本文著作著:林鍾紹韞vunˋ主任(鳳林鎮國小主任退休、語言類薪傳師)積17年鑽研客家白話語文寫作共有112篇、提供台灣客家電子報陸陸續續刊載,分享電子報27,000位讀者,祈望大家共同發揚客家有語有文介ne境界,承蒙 林鍾紹韞vunˋ主任大公無私的e客家精神。

「粄圓好食愛艾ngie菜,出門問路愛好hoˋ嘴;阿妹恁anˋ靚jiangˊ無人愛,全全壞fai在該ge張嘴。」一個人講話愛盡注意,盡細義ngi,無mo是siiˇ無moˇ堵duˋ好會得失人,還過會分bun人惱nauˊ。

以前有一個細妹仔,從細se就當喈gia啦la,厥giaˊ姆meˊ逐dagˋ擺aiˋ勸話va佢giˇ都毋聽,罵佢像伯勞嬤樣iong仔ngeˋ。人講:「牛牽到廣東,還係牛」,實在還無moˇ葛gadˋ煞sadˋ。幾年過後,該ge兜deuˊ共陣ciin的ne細妹仔一個一個嫁忒hedˋ了leˇ,就剩(伸)cunˊ到佢一儕saˇ人無moˇ人來問親,佢頭下也還試著亦id快樂,慢慢地neˊ,心頭開始cog著急了beˇ。開始學較go溫柔iuˇ兜deuˊ地veˊ,也毋會再過恁喈啦了veˇ,厥giaˊ姆meˊ就喊媒人婆去講親,也就順順利利嫁出去了ieˇ,毋過嫁到do當遠當遠就係了ieˊ啦!

來到新環境,看到doˋ人總係笑笑地veˊ,自從嫁出去以後,都duˊ毋識siidˋ開嘴講話,對老公抑iaˊ係家官gonˊ,家娘都係恁anˇ樣ngiongˇ,佢兜大家對佢講麼magˋ介ge,毋係me搖頭就係he頷ngamˋ頭。

有一擺baiˋ,家娘愛試cii探tamˋ佢,就挑tiauˊ事將飯甑ziin囥kong起來,看佢會樣(仰)ngiongˋ般banˊ反應。佢共kiung樣iong無開聲,笑笑地veˊ拿起米籮來到井脣siinˇ,搓co到淨俐li淨俐來裝飯,家娘看到佢恁巧kauˋ,又再過來愛試cii佢,偷偷地將佢逐dagˋ日愛梳頭介ve梳仔囥kong起來,佢乜me共kiung樣iong無聲無說sodˋ拿起洗衫褲fu介ve搓co仔veˋ洗淨來,用這搓co仔將頭林naˊ毛梳到伶langˇ伶俐li俐。

做家娘介nge想無計gie了ieˇ,只好尋qimˇ到原在該ge隻媒人婆來,講;討到一個啞aˋ狗新娘,愛退婚。這個ve新娘正開嘴對厥giaˊ老公講:「伯勞因為多嘴博bogˋ人惱nauˊ,米籮裝飯乜me盡香;搓co仔veˋ梳頭又係me萋qiˊ頭,郎係冇moˇ愛[涯]ngaiˇ, [涯]就愛轉外家。」到這下ha歸屋家人正知毋mˇ係me討到啞aˋ狗新娘,係一個心思當巧kauˋ聰明的ne細se妹仔ieˋ。

老古人言所講:「飯做zo得dedˋ多食,話毋好moˋ亂講」,講話愛細se義ngi,一句話有三十六隻角,隻隻角都會傷到人。有一個當有錢的ne少爺同一個le窮苦人家介ve細妹仔相戀多年,就在講親該ge央iongˊ時,一句話觸qiugˋ到細妹仔介ie阿姆meˊ,這一段美好的ve戀情就恁地neˊ吹忒hedˋ了leˇ。到底這富家少爺講麼magˋ介話呢?原來細妹仔介ie厥姆當自卑biˊ,佢講:「吾ngaˊ屋家係窮苦人家,樣(仰)ngiongˋ般配得ieˋ著cog若屋家介ve財富。」有錢人介ne少爺講:「無關係!無關係!」就恁anˋ地neˊ,雙方不睦mugˇ來拆cagˋ散。仰般會恁地ne呢?大家慢慢地neˊ去想就知diˊ了ieˊ!

◇本文著作著 :林鍾紹韞vunˋ(鳳林鎮國小主任退休,語言類薪傳師)◇本文(四縣腔,阿廖伯)注解:

1.啞aˋ狗:啞眵ziiˊ:啞巴。粄banˋ圓:圓粄banˋ仔neˋ:湯圓
2.好hoˋ嘴:囗氣好。恁anˋ靚jiangˊ:漂亮。
3.全全:完全。該ge:那。新xinˊ娘ngiongˇ。
4.細義ngi:小心。無mo是siiˇ:不然。
5.無moˇ堵duˋ好:不巧。分bunˊ人惱nauˊ:使人討厭。
6.喈gia啦la:嘰哩喈gia啦la:好壞不分皆講。厥giaˊ姆meˊ:他的媽媽。
7.逐dagˋ擺aiˋ:每次。話va佢giˇ:講訓他。
8.樣iong仔ngeˋ:樣子。伯勞嘴:喻口無禁忌。樣iong地ngeˊ:樣的。
9.葛gadˋ煞sadˋ:原意老人手杖,辦法,法度。該ge兜deuˊ:那些。
10.共陣ciin:同一輩。忒hedˋ了leˇ:完了。
11.剩(伸)cunˊ到doˋ:剩下。一儕saˇ人:一個人。
12.頭下ha:起初。兜deuˊ地veˊ:些。
13.就係了ieˊ:就是了。毋識siidˋ:不曾。
14.抑iaˊ係:或是。家官gonˊ:老公的爸爸。
15.恁anˇ樣ngiongˇ:這樣。麼magˋ介ge:什麼。
16.毋係me---就係he:不是---就是。頷ngamˋ頭:點頭。
17.一擺baiˋ:一次。挑tiauˊ事:故意。
18.飯甑ziin:蒸煮飯的米桶。囥kong:藏。
19.樣(仰)ngiongˋ般banˊ:怎樣。共kiung樣iong:一樣。
20.井脣siinˇ:井邊。搓co:洗刷。韞vunˋ:深藏。
21.恁anˋ巧kauˋ:聰明。乜me:也。
22.無moˇ聲無說sodˋ:不聲不響。頭林naˊ毛:頭髮。
23.萋qiˊ頭:整潔好看。[涯]ngaiˇ:改人部首, 我。
24.做zo得dedˋ:可以。毋好moˋ:不可。
25.該ge央iongˊ時:那個時候。觸qiugˋ到:剌激到。
26.恁地neˊ:這樣。忒hedˋ了leˇ:完了。
27.自卑biˊ:自謙看低自己。吾ngaˊ屋家:我家裡。
28.配得ieˋ著cog:配得上。不睦mugˋ來拆cagˋ散:不歡而散
客語版文章   1【啞狗新娘】本文著作 林鍾紹韞vunˋ  本文1,596字。敬請點閱→   http://yuyuhakka.shop2000.com.tw/news/288923

              客家白話語文篇:二、【剖樵剖到腳】
頭擺baiˋ有六儕sa人結拜為兄弟,每年有一擺兄弟輪流做東請客,其他兄弟五儕人逐dagˋ擺都會約好時間同地點集合共下行。因為兄弟大家都係出外做頭路,故所這個兄弟聚會就相當慎siimˋ重。請客介人當然愛好好地veˊ來準備,分人請的nge人,還愛準備較好的ve等路。當時因為交通冇moˇ方便,這兜deuˇ等路介ve就愛用籮loˇ鬲gagˋ裝等,用肩[才亥]kaiˊ,冇車仔veˋ好坐,全部都係用兩腳行介nge,實在係相當辛苦。


在聚qi會該ge晡buˊ日仔leˋ,堵duˋ好堵duˇ到天時熱,兄弟五儕有的ve[才亥]kaiˊ等籮鬲,有的ve擐kuan等nenˋ等denˋ路介ve,行到汗流脈magˋ落logˋ。最大的ie兄弟因為佢字墨較go飽,就提出一隻建議講:「各位兄弟啊iaˇ!恩俚liˋ這iaˋ一路行來恬diamˊ肅sogˋ肅,實在還冇moˇ意思,大家都係有讀過書介ve人,也會吟ngimˇ詩作zogˋ對,這下每一儕人吟ngimˇ一首詩,以後對詩肚裡選出最老介ve同最後生sangˊ介nge人,最老介人空手行,最後生介愛[才亥]kaiˊ籮鬲gagˋ,其他介人各擐kuan一項,恁anˋ地neˊ有公當冇moˇ?」在大家同意之下,各儕都拍手講有道理,同意各人題詩來對。

最先由較go有學問介大哥先來題詩:『日出東邊赤cagˋ,照到西邊壁biagˋ,項hong羽iˋ鴻fungˇ門宴,請[涯]ngaiˇ去做客hagˋ。』跈tenˇ等nenˋ二ngi哥題詩講:『日出東邊赤cagˋ,照到西邊壁,神農大帝著cog到病,請[涯]ngaiˇ去打脈magˋ。』三哥題詩講:『日出東邊赤,照到西邊壁,張古老二萬七千歲,[涯]ngaiˇ比佢多一百bagˋ。』四哥題詩講:『日出東邊赤,照到西邊柏bagˋ,盤古開天地,借,[涯]ngaiˇ量天尺。』

最細se的ie老弟taiˊ書讀唔(毋)mˇ多,聽到大家做出恁anˋ多的ve好詩對仔ieˋ,佢想這擺是siiˇ「石駁bogˋ跑pauˊ馬----壞蹄taiˇ咧leˊ!」想來想去,想到有一擺同人做且qiaˊ郎,佢想你這兜講啊nga恁anˋ大恁anˋ老,總毋會比若naˊ婆較go大較go老,想到這個,佢giˇ就隨口講出:『日出東邊黃vongˇ,照到四邊牆xiongˇ,若naˊ婆行嫁日,請[涯]ngaiˇ做且qiaˊ郎long。』

最後大家評審結果,冇麼manˋ人比阿婆較go大較go老。故所最細的ie老弟taiˊ兩手聊liau調tiau空手行,最後,題詩項hong羽iˋ來做客介大哥,續sa負責[才亥]kaiˊ籮鬲。老古人言講:「莫道君行早,更gen有早行人。」實在就毋會爭zenˊ差caˊ,想愛設計害他人家,結果續sa害到自qidˋ家,這就係安onˊ到「剖樵ceuˇ剖到腳」。

◇本文著作者 :林鍾紹韞vunˋ主任(鳳林鎮國小主任退休,語言類薪傳師)
◇本文(四縣腔,阿廖伯)注解:
1.剖po樵:剖柴。 頭擺baiˋ:古時候。
2.六儕saˇ人:六位。一擺baiˋ:一次。
3.逐dagˋ擺:每次。共kiung下:一塊兒。
4.都duˊ係he:都是。好好地veˊ:好好地。
5.等denˋ路:伴手禮。冇moˇ:不。
6.這兜deuˇ:這些。籮loˇ鬲gagˋ:用竹編的籮子。
7 [才亥]kaiˊ:挑擔。該ge晡buˊ日仔leˋ:那天。
8.堵duˋ好:剛好。堵duˇ到doˋ:遇到。
9.天時熱:天氣熱。擐kuan等nenˋ:手提。
10.汗流脈magˋ落log:大汗小汗流。字墨:學問。
11.恩enˊ俚liˋ:我們。恬diamˊ肅sogˋ肅:肅靜。
12.肚裡:裡面。後生sangˊ:年輕。
13.擐kuan:手拿。恁anˋ地neˊ:這樣。
14.公當:公道。較go有:比較有。
15.赤cagˋ:紅色。[涯]ngaiˇ:我,改人部首。
16 跈tenˇ等nenˋ:跟著。二ngi哥:第二哥哥。
17.著cog到doˋ:得到。打脈magˋ:診斷。
18.最細se的ie:最小印。老弟taiˊ:弟弟。
19.恁anˋ多:很多。石駁bogˋ:石堤防。
20.壞蹄taiˇ咧leˊ:蹄壞,糟糕。且qiaˊ郎:男賓相。
21.講啊nga恁anˋ大:講得這麼大。若naˊ婆:你的阿婆。
22.佢giˇ:他。行嫁:出嫁。
23.麼manˋ人:誰。兩手聊liau調tiau:兩手空空沒事做。
24.續sa:反而。[才亥]kaiˊ:挑。
25.爭zenˊ差caˊ:差錯。自qidˋ家:自己。
敬請點閱→ http://yuyuhakka.shop2000.com.tw/news/289194

                      客家白話語文篇:三、【石獅仔嘴吐tu出血】
在各地方介nge大大細se細廟肚裡-,大體在廟大門前都會擺一對石獅仔eˋ,當作鎮煞sadˋ保平安。本故事中的nge石獅仔樣(仰)ngiongˋ般觜上hong無眺diau無知di嘴吐tu出血來,這liaˋ係一段當神奇的ie故事。

話講頭擺baiˋ有一個庄頭介ve人,儕saˇ儕都係he當囓ngad察cad,當私心, 根本都係無慈ciiˇ悲biˊ心。分天頂高的ve神仙看了neˇ佇du唔(毋)mˇ著diauˇ,就派一個神仙下凡famˇ來試探,看啊na一籃雞卵肚裡,會有一粒好的ve無mˇ?


這位神仙搖身一變,就假作zogˋ一個乞kiedˋ食仔leˋ,一身著zogˋ到爛爛擐kuan擐, 全身又發bodˋ綿花,同時發fadˋ出得人畏vi的ie臭cu味,來到這個庄頭一家一家去討食,儕儕看到這個乞kiedˋ食仔leˋ,都鼻孔掩emˊ等nenˋ,閃samˋ到遠遠,無人肯henˋ拿東西分佢giˇ食。最溜liuˋ尾來到do一間爛茅mauˇ屋介ge人家,裡肚邸dai等一個窮苦人家, 當這位乞kiedˋ食仔leˋ向這窮苦人家討食時,老阿婆走出來講:壞faiˋ勢噢ioˊ,這下屋家剩堵duˋ好剩(伸)cunˊ到這一碗糜moiˇ,係暗晡buˊ夜愛食介le,恁anˋ地neˊ好了veˊ,減gamˋ一半分你食,毋過無菜,將就嗯均giunˊ等nenˋ來食。

當這位乞食仔食忒hedˋ冷糜以後,佢就講:承蒙妳恁好心ximˊ,人好心就好,福報跈tenˇ等nenˋ到。續saˋ等佢又講:汝ngˇ等庄頭有災劫giabˋ,涯做一個竹排仔ieˋ分你,當廟前的ne石獅仔eˋ,嘴吐tu出血來的時節,歸guiˊ家人就愛共快上涯分你介竹排仔ieˋ,這個地方會沈ciimˇ忒hedˋ了leˇ, 連谿毛都會沈下去, 坐啊va在這個排仔ieˋ萬無vuˇ一失,你千萬愛記得, 廟前的ne石獅仔eˋ,嘴吐tu出血來的ie時節,就愛趕緊上排仔ieˋ,並講唔mˇ好moˋ將消息傳出去,這位乞食仔再三交代dai以後,一眨sabˋ目就化成一陣煙毋見忒hedˋ了leˇ。這個老阿婆心想,該ge乞食仔無成sangˇ係神仙變介ne啊iaˇ。

這個老阿婆逐dagˋ日朝zeuˊ晨,當畫zu,暗晡一日三到do,都派厥giaˊ孫仔ne去廟前看啊na石獅仔介ie嘴有吐tu出血來。派厥giaˊ孫仔一日三到來看石獅仔介ie嘴有吐tu出血介事情,傳開了ieˇ以後,全庄人就取笑這家人,堵duˋ好廟前有一個賣豬肉介le人,有一日打早就愛搣miedˋ衰soiˊ佢,就將jiongˊ新鮮的ne豬血,潑padˋ啊la在石獅仔介ie嘴上hong。

第二ngi日朝晨打早厥giaˊ孫仔neˋ來到廟前看啊na到石獅仔介ie嘴有吐tu血出來,厥giaˊ孫仔neˋ就趕緊兩腳走啊va無[才突]dudˋ地, 透teuˋ氣唔勻iunˇ同厥婆講;阿婆阿婆!廟前石獅仔介ie嘴有吐tu血出來了ieˇ噢io!阿婆煞sadˋ煞就喊全家人上排仔ieˋ。通庄人都笑佢[好愁seuˇ毋愁,愁六月天公無日頭。]妳等看,天頂一色青天,奈nai有可能會落大雨,地會沈下去呢?當老阿婆全家人上好排仔ieˋ以後,一下地veˊ天年各變,烏天暗地,斜qiaˇ風斜雨,兩水像用倒doˋ的ve樣地ngeˊ,無一久全庄就沈沒下去了ieˇ。

當老阿婆全家人上好竹排仔ieˋ,全庄將會沈沒mudˋ下去的ie時節,老阿婆看到竹排邊有人同狗仔在該ge討救命,也順手將討救命介nge人同狗仔救起來,漂流向安全的陸地上hong去了ieˇ。根據傳說中;老阿婆安全到陸地,同當時竹排邊討救命介nge人同狗仔共下生活,狗仔當忠心護主,但係人續sa腆tiamˊ放biong忒hedˋ救命之恩,不利救命恩人,流傳一句[烏桐頭(指畜生)救得,人救唔得]介訄kauˊ誚seˋ[負心的me人],同河洛話[救蟲莫救人] 一句相當。這個故事也就係提醒大家,[善事多做壞事莫做,人害人肥律ludˋ律,天害人一把baˋ骨,善有善報,惡有惡報;毋係me毋報,時機吂mangˇ到] 介道理一樣。編著按本故事與[沈東京(中國無東京)浮feuˇ台灣]介故事,極相同。

◇本文著作者 :林鍾紹韞vunˋ主任(鳳林鎮國小主任退休,語言類薪傳師)
◇本文(四縣腔,阿廖伯)注解:
1.大大細se細:大大小小。肚duˋ裡:裡面。
2.大體:一般而言。大體(北部):指身屍。
3.石獅:石質獅型彫相。鎮煞sadˋ:鎮壓地理煞sadˋ氣。
4.樣(仰)ngiongˋ般:怎樣。無眺diauˊ無知diˊ:突然到來, 一無所知。
5.這liaˋ:有(aˋ,iaˋ,liˋiagˋ等等)多音。頭擺baiˋ:古時候。
6.儕saˇ儕:人人。囓ngad察cad:吝嗇。
7.慈ciiˇ心:己達達人心。悲biˊ心:己所不欲, 勿施予人之心。
8.天頂高:天上。佇du唔(毋)mˇ著diauˇ:忍不往。
9.下凡famˇ:人間。看啊na:看看。厥giaˊ( 其iaˊ):他的。
10.搖身:身左搖右搖。假作zogˋ:假裝。
11.乞kiedˋ食仔leˋ:乞丐。著zogˋ:穿。
12.一身:全身。爛爛擐kuan擐:破被爛爛。
13.發bodˋ綿花:生疹瘡。得人畏vi:令人討厭。
14.掩emˊ等nenˋ:掩藎著。閃samˋ:避開。
15.佢giˇ:他。溜liuˋ尾:後來。[詿
16.邸dai等:住著。壞faiˋ勢噢ioˊ:不好意思喲。
17.堵duˋ好:剛好。剩(伸)cunˊ到:剩下。
18.糜moiˇ(粥zugˋ):稀飯。暗晡buˊ夜:晚上。
19.恁anˋ地neˊ:這樣。均giunˊ等nenˋ:平均。
20.食忒hedˋ:吃完。恁好心ximˊ:這麼好心。
21.跈tenˇ等nenˋ:跟著。續saˋ等:接著。
22.汝ngˇ等:你們。時節jiedˋ:時候。
23.歸guiˊ家人:全家人。沈ciimˇ忒hedˋ了leˇ:沈沒了。
24.坐啊va在:坐在。唔mˇ好moˋ:不要。
25.一眨sabˋ目:一眨眼。無成sangˇ:難道。
26.逐dagˋ日:每天。朝zeuˊ晨:早上。
27.當畫zu:中午。三到do:三次。
28.厥giaˊ孫仔ne:他的孫子。堵duˋ好:剛好。
29.打早:大清早。搣miedˋ衰soiˊ:搞弄壞。
30.就將jiongˊ:就把。將jiongˊ就:艷免強就。潑padˋ啊la在:潑在。
31.走啊va無[才突]dudˋ地:像飛地跑。透teu氣:呼氣。
32.唔勻iunˇ:不均勻。來了ieˇ噢io:來了啦。
33.煞sadˋ煞(遽giagˋ遽):快快。通庄人:全庄人。
34.好愁seuˇ毋愁:該愁不愁。奈nai有:那有。
35.一下地veˊ:一下子。樣地ngeˊ:樣地。
36.該ge:那裡。共下:共同。涯ngaiˇ:我,(改人部首)。
37.續sa:反而。腆tiamˊ放biong忒hedˋ:忘了。
38.烏vuˊ桐tungˇ頭:指下額長又生君后獸類畜生。訄kauˊ誚seˋ:取笑, 諷刺。
39.肥律ludˋ律:肥肥胖胖。吂mangˇ到:未到。
40,吾ngaˊ:涯ngaiˇ介:我的。厥giaˊ(其iaˊ):佢介:他的。若na(惹ngia):你介:你的。敬請點閱→ http://yuyuhakka.shop2000.com.tw/news/289495


              ◆客家白話語文篇:四【掛紙磧zagˋ黃赮haˇ紙介e由來】

客家人介[掛紙]就係華語名詞講的nge[掃墓],河洛人安onˊ到doˊ[培boiˊ墓]。以前早期教育無moˇ恁anˋ發達,無學校,客家人盡重視子女介nge教育,會在自家祖祠堂上,抑iaˊ係公廳設私人學堂,尋qimˇ一個蓋goi有學問的ne人來教伙foˋ房內的ie細se人仔讀書,大部分教的ve都係[百家姓xiang.三字經,千家詩,幼學瓊kiunˇ林,四書五經]等denˋ等。

有一年仔neˋ,這私人學堂請了ngeˇ一個河洛先生來教漢文,也教來亦i好。正zangˊ月半正過啊va忒hedˋ,客家人就開始掛紙ziiˋ了eˇ,有一日一個學生仔同教書的ve先生講:今晡bu日吾ngaˊ屋家掛紙,吾爸講當dongˊ晝zu愛請你來去吾屋家食當dongˊ晝zu,教書先生講:嘎ga愛包禮無mo?學生仔講毋使siiˋ。

教書先生當高興,著zogˋ一身蓋霋qi躍qiogˋ的ge衫褲準時來到學生仔屋家.心肝肚裡感覺到當奇怪,講麼介掛紙,樣(仰)ngiongˋ般厥gia屋家全無看到掛半張紙,食飽晝,佢giˇ就問該ge學生仔,你講今晡日若naˊ屋家掛紙,仰般[涯]ngaiˇ看來看去,全無看到惹ngiaˊ屋家奈nai位有掛紅紙抑iaˊ係別樣的nge紙呢?學生回答講:該ge紙係掛在塚zungˋ埔祖先介ne風水上hong。先生聽了ngeˇ糊塗,完全無瞭解這麼介事腹bugˋ。身邊有一個長者聽著佢倆儕saˇ介ve對話,煞sadˋ煞同佢解說sodˋ講:掛紙就係你兜deuˊ河洛人講的[培墓]。先生又問:新年正zang過忒hedˋ,離清qiangˊ明還恁anˋ久,仰般這下ha就來[培墓]?

這位長者就講:這係客家人介ne傳統,因爭zenˊ客家人生活較go苦,當多後生男仔meˋ人離開家鄉出外打拼bia做人介長工,正zangˊ月半離家以後,一直愛等到年三十正有好轉屋家,這期間無好轉來掛紙。先生又問做麼magˋ介ge安onˊ到doˊ[掛紙]?

這位長者講:這有一段歷史故事,先生你坐下來聽[涯]ngaiˇ慢慢地neˊ講分bunˊ你聽;在隋朝末mad年,李淵該ge下仔veˋ係太原府總兵,掌zongˋ握vogˋ有兵權。佢後生sangˊ時節就離開家鄉三十零langˇ年,毋識siidˋ轉家鄉祭拜厥giaˊ姆meˊ介墓mung,這下衣錦gimˋ還鄉,想愛來祭拜厥姆介ie墓地,毋過墓mung地恁anˋ闊fadˋ又雜草生到比人頭較go高,毋知愛對奈nai尋qimˇ起hiˋ,佢就隨suiˇ手拿起一疊tiabˋ黃赮haˇ紙向天一撅jied,看紙會飛到奈nai!這個時節恁anˋ堵duˋ好分后土伯公看到,唉ai哉zaiˇ噢ioˊ!真命天子駕到,事情大條了veˊ!人講:天子未登基,神仙早先知。土地公遽giagˋ遽出來,手指一抝auˋ一算,哎ai啊iaˋ!下一朝代介ie天子駕到,遽giagˋ遽用手指一比,天頂高介ve一張黃赮haˇ紙飛啊ia飛地ieˊ,飛到一個墓墩dunˋ上hong,任im風仰般吹都吹毋走,李淵ianˊ行前一看,果然墓mung碑上hong刻等李淵厥giaˊ姆meˊ介ie名姓,達成了neˇ李淵ianˊ介ne心願ngian。後來李淵同厥倈lai仔李世民共kiung下打天下,取代隋suiˇ朝,建立唐朝,後世尊zunˊ稱唐高祖。

客家人原但係中原人,近兩千來為了liauˋ避戰亂,就往南遷qienˊ徙saiˋ到贛gam南,但係原在cai延續等原鄉介nge傳統[掛紙],一方面表示慎siim終追遠,利用掛紙日整理祖墳funˇ,在祖墳上磧zagˋ黃赮haˇ紙(伯公金),表示感謝后土(土地伯公)一年來對祖墳funˇ介ne顧守,這個習xib俗xiug一直流傳到今。

◇本文著作者 :林鍾紹韞vunˋ主任(鳳林鎮國小主任退休,語言類薪傳師)

◇本文(四縣腔,阿廖伯)注解:
1.以早:以前早期。恁anˋ:很。
2.抑iaˊ係:或是。尋qimˇ:找
3.蓋goi有:很有。伙foˋ房:同宗家庭。
4.細se人仔neˋ:小孩。河洛:閩南。
5.漢文:唐書:唐漢書。亦i好:也不錯。
6.正zangˊ月:農曆一月。過啊va忒hedˋ:剛過完。
7.掛紙ziiˋ:掃墓。今晡bu日:今天。
8.吾ngaˊ屋家:我家。當dongˊ晝zu:中午。
9.食當dongˊ晝zu:吃中飯。嘎ga:那麼。
10.毋mˇ使siiˋ:不用。著zogˋ一身:穿一套。
11.霋qi躍qiogˋ:整齊。肚裡:裡面。
12.樣(仰)ngiongˋ般:怎樣。惹ngiaˊ屋家:他的家。
13.奈nai位:那地方。該ge紙:那個紙。
14.塚zungˋ埔:公墓。事腹bugˋ:事由。
15.倆儕saˇ:兩人。煞sadˋ煞:遽giagˋ遽:很快。
16.你兜deuˊ:你們。正zang過忒hedˋ:剛過完。
17.這下ha:現在。因爭zenˊ:因由。
18.男仔meˋ人:已婚男人。長工:長年:即長年工作。
19.麼magˋ介ge:什麼。[涯]ngaiˇ:我, 改人部首。
20.慢慢地neˊ:慢慢地。分bunˊ:給。
21.該ge下仔veˋ:那個時候。後生sangˊ:年青。
22.三十零langˇ年:30多年。唔(毋)mˇ識siidˋ:不曾。
23.厥giaˊ姆meˊ:他 媽。磧zagˋ:輕小物壓著。磡kamˋ:重大物壓著。
24.共kiung下:共同。原在cai:本來是。
25.恁anˋ闊fadˋ:這麼寬廣。對奈nai尋qimˇ起hiˋ:從那找起。
26.黃赮haˇ紙:西金黃紙。撅jied:丟。
27.恁anˋ堵duˋ好:這麼巧。后土伯公:守顧墓的土地神。
28.唉ai哉zaiˇ噢ioˊ:客語驚嘆語。手指一抝auˋ:曲指一算。
29.哎ai啊iaˋ:客語驚嘆語,。天頂高:天空中。
30.飛啊ia飛地ieˊ:飛啊飛地。厥倈lai仔:他的兒子。
31,吾ngaˊ:涯ngaiˇ介:我的。厥giaˊ(其iaˊ):佢介:他的。若naˊ(惹ngiaˊ):你介:你的。
敬請點閱→ http://yuyuhakka.shop2000.com.tw/news/289803

關鍵字:客家白話語文篇 著作 林鍾紹韞 

分享: 分享至 LINE 分享至 Facebook 分享至 Twitter 分享至 Google+